A VIDA NA TERRA:

Malia o interese dos científicos por coñecer a posibilidade de que poida haber vida noutros planetas, ata o momento descoñécese a súa existencia, polo menos no Sistema Solar.

A diversidade de seres vivos que caracteriza o noso planeta foi posible grazas ás condicións ambientais da Terra. As máis importantes son:

Museo da biosfera, en Montreal.

• A existencia dunha atmosfera protectora contra as radiacións.

• Unha distancia ao Sol que proporciona a temperatura adecuada.

• Unha achega continua de enerxía solar necesaria para o funcionamento do sistema terrestre.

• A existencia de auga en estado líquido.

A zona da Terra habitada por seres vivos, que ocupa practicamente a totalidade do planeta, coñécese co nome de biosfera.

Que é un ecosistema

Un sistema defínese como un conxunto de elementos interrelacionados que funcionan de maneira coordinada.

A Terra é un sistema integrado por distintos elementos físicos e biolóxicos interdependentes, moi complexos e que se manteñen nun equilibrio inestable. Para poder estudar e comprender mellor o funcionamento global da biosfera estableceuse un termo convencional: ecosistema.

Denomínase ecosistema a un sistema constituído por organismos que se relacionan de seu e co espazo no que se instalan.

Segundo as condicións ambientais e as propiedades do solo, os ecosistemas que se desenvolven son diferentes en canto á súa composición e estrutura.

Os ecosistemas non teñen un tamaño determinado.

Ecosistemas naturais e artificiais

Na época moderna, a especie humana foi capaz de transformar os ecosistemas naturais e o conxunto da biosfera e crear espazos onde viven comunidades de seres vivos.

Estes espazos podémolos considerar como ecosistemas artificiais, cuxa principal característica é que son insustentables a longo prazo.

Polo tanto, son ecosistemas artificiais as cidades, as zonas industriais e as súas interconexións, e mesmo, as explotacións agrícolas e gandeiras modernas. Ningún destes ecosistemas posúe unha fonte inesgotable de enerxía como sucede cos ecosistemas naturais.

Elementos que integran un ecosistema

Os ecosistemas están formados polos seguintes dous elementos:

Os seres vivos.

A auga.

• Biocenose. É o conxunto de seres vivos que habitan nun lugar ou ambiente determinado.

• Biótopo. É o lugar ou espazo físico sobre o que se asenta a biocenose.

Os seres vivos dun ecosistema pertencen a reinos distintos e se agrupan en diferentes especies.

O concepto de especie fai referencia a un conxunto de individuos con características físicas similares, capaces de reproducirse entre si e producir descendencia fértil.

Nas últimas décadas, a bioloxía molecular permitiu clasificar aos organismos en especies non só polas características morfolóxicas senón tamén pola súa composición química.

O solo.

O aire.

Os seres vivos agrúpanse

Todos os seres vivos que poboan a Terra tenden a agruparse formando entidades cada vez máis complexas. Isto proporciónalles vantaxes para a supervivencia e a reprodución. Segundo a cantidade de individuos e o número de especies que as integran, as agrupacións máis importantes de seres vivos son:

• Poboacións. Son grupos de organismos da mesma especie que viven nunha área e nun tempo determinados; por exemplo, un formigueiro, unha bandada de aves ou un banco de peixes.

• Comunidades. Son agrupacións de poboacións de distintas especies que viven nun lugar determinado, entre as que se establecen relacións de interdependencia, como tamén sucede no caso das poboacións.

Por exemplo, todos os organismos dun bosque, dun lago ou dun xardín forman unha comunidade.

Todas as especies dunha comunidade posúen adaptacións ao ambiente no que viven.